Ինչպես պատրաստել համեղ աղցաններ գազարով
Աղցան գազարով և ծաղկակաղամբով
Բաղադրիչներ՝
200 գ ծաղկակաղամբ
2 հատ մարոլի թերթ
2 հատ եփած գազար
100 գ շամպինիոն
4 ճ. գ. բուսական յուղ
2 ճ. գ. կիտրոնի հյութ
սև պղպեղ, աղ:
Պատրաստման եղանակը
Ծաղկակաղամբը մասնատել, եփել աղով համեմված ջրում: Մարոլի թերթերը բարակ շերտերով կտրատել, գազարը նույնպես կտրատել բարակ շերտերով: Սունկը եփել աղով համեմված ջրում, ապա կտրատել: Մթերքները միացնել իրար, համեմել աղով, պղպեղով, կիտրոնի հյութով, բուսական յուղով:
Աղցանը լավ խառնել մատուցել:
Աղցան գազարով և պղպեղով
Բաղադրիչներ՝
200 գ մարոլի թերթ
1 հատ գազար
1 հատ պղպեղ
1 հատ թթու վարունգ
2 հատ պինդ խաշած ձու
2 ճ. գ. յոգուրտ
10 գ. բուսական յուղ
1 պտղունձ կիտրոնի աղ
1/2 թ. գ. շաքարավազ, աղ:
Պատրաստման եղանակը
Մարոլի թերթերը կտրատել, գազարը, պղպեղը, վարունգը, ձուն կտրատել բարակ շերտերով: Համեմելու համար հարկավոր է յոգուրտը հարել բուսական յուղով, ավելացնել կիտրոնի աղը, շաքարավազը, աղը: Աղցանի համար նախատեսված մթերքները խառնել իրար, համեմել ստացված խավարտով:
Աղցանը լավ խառնել և մատուցել:
Աղցան գազարով և վարունգով
600 գ գազար
2 հատ թթու վարունգ
1 բաժակ տոմատի հյութ
աղ, սև պղպեղ:
Պատրաստման եղանակը
Վարունգը մանր կտրատել, վրան լցնել տոմատի հյութը, համեմել աղով,պղպեղով և որոշ ժամանակ թողնել:
Գազարը բարակ շերտերով կտրատել, ավելացնել վարունգի և տոմատի հյութով պատրաստված զանգվածը:
Աղցանը լավ խարնել մատուցել:
Աղցան գազարով և պանրով
Բաղադրիչներ՝
1 հատ գազար
60 գ. պինդ պանիր
1/2 հատ խնձոր
1/2 հատ քաղցր պղպեղ
2 ճ. գ. կեֆիր
աղ, կանաչի:
Պատրաստման եղանակը
Գազարը և պանիրը անցկացնել քերիչով, միացնել իրար, ավելացնել մանր կտրատած խնձորը, բարակ շերտերով կտրատած պղպեղը:
Աղցանը համեմել աղով, կանաչիով, կեֆիրով և մատուցել: