Առողջ հասարակություն - Հիվանդի կողքին, բժշկի հետ: Գրիգորի Գրիգորյան 2004 թ-ից «Արմենիա» հանրապետական բուժական կենտրոնի տնօրեն: Ծնվել է 1950թ. ապրիլի 26-ին Բաթումիում: Ավարտել է Երեւանի բժշկական ինստիտուտը` անոթային վիրաբույժի որակավորմամբ: ԲԺշկական գիտ. դոկտոր, պրոֆեսոր:

Առողջապահական համակարգին պետք են սրտացավ մենեջերներ

«Արմենիա» բժշկական կենտրոնի գլխավոր տնօրեն, բժշկական գիտությունների դոկտոր, պրոֆեսոր, ակադեմիկոս Գրիգորի Գրիգորյանը հանդիպեց ոլորտի պատասխանատուների հետ, որի ընթացքում խոսվեց առողջապահական համակարգի կայացման մասին` պետության ֆինանսական ռեսուրսի համատեքստում:

Պետությունը ունի մեծ պատասխանատվություն իր քաղաքացիների առողջապահության պահպանման հարցում և պարտավոր է ապահովել որակյալ բուժսպասարկման կազմակերպում: Ուստի անհրաժեշտ է պետականորեն ներդնել այնպիսի համակարգ, որը կնպաստի պետությանը մաքսիմալ հոգալ իր քաղաքացիների առողջության համար, ապահովել որակյալ բուժսպասարկում:

Բժիշկը կոչում է և չի կարելի, ավելին՝ մեծագույն մեղք է բիզնես անել մարդու հիվանդության հաշվին: Մեր գործը առաքելություն է, պարտավորություն և պետությունը մեզ չպետք է դնի «բիզնեսի մսաղացի տակ»:

Չի կարելի բուժսպասարկումը առաքելությունից դարձնել սոսկ էժան առևտուր: Պետք է փրկել բժշկի պատիվը և նրան չվերածել կոմերսանտի:

Օր առաջ պետք է ներդնել պետական պարտադիր առողջապահական ապահովագրություն, որը մեր քաղաքացիներին կտա ապահովության մեծ զգացում:

Իր ելույթում Գրիգորյանը կատարեց մի դիտարկում` ասելով. «Կատեգորիկ թյուր մոտեցում է, թե միայն հարուստ երկրներն ու պետությունները կարող են ունենալ կայացած առողջապահական համակարգ: Իմ խորին համոզմամբ` սա կեղծ արդարացում է, և այդպիսի մտածողությամբ մարդիկ իրավունք չունեն զբաղվելու ոլորտի զարգացմամբ: Պետությունը պետք է շատ զգույշ, խնամքով ու խելամիտ տնօրինի առողջապահության ոլորտի եղած հատկացումները: Ճիշտ տնտեսվարման պարագայում ոլորտի զարգացման համար կստեղծվեն իրական նախադրյալներ»:

Գ. Գիրգորյանը ասաց, որ բարձրացված հարցը շատ գլոբալ է, որի լուծմանը գոնե մոտենալու համար պետության գործուն մասնակցությունն է անհրաժեշտ և շեշտեց, որ առողջապահության ոլորտի զարգացումը պետք է ընկալվի իբրև պետության գերակա շահ:

Սրտաբանական կլինիկայի բազմափորձ սրտաբան բժիշկներ

«Մեր գիտակցության մեջ պետք է ամրագրված լինի, որ հիվանդանոցը շենք կամ պատեր չեն: Մեր բուժհաստատությունները, ավելին` մեր առողջապահական համակարգը, առաջին հերթին մեր բուժանձնակազմերն են` սկսած հենց տեխնիկական աշխատողներից մինչև բուժքույրեր ու բժիշկներ: Ավելի հեռուն գնալով` ես պնդում եմ, որ հատուկ կարգավիճակ պետք է տրվի մեր առաջատար, հեղինակավոր բժիշկներին: Ո´չ ավել, ո´չ պակաս` նրանք ազգային արժեք են: