Համեղ աղցան զարդարված նռան հատիկներով
Տոնական գեղեցիկ նռան աղցան հավի մսով, գազարով, ճակնդեղով, կարտոֆիլով և ձվով:
Համեղ աղցան ”Նռան ապարանջան” կամ «Նռնաքարե թևնոց» — նուռը հավի մսով: Գեղեցիկ աղցան նռան հատիկներով: Салат Гранатовый браслет․
Բաղադրությունը՝
4 հատ կարտոֆիլ,
4 հատ գազար,
2-3 հատ ձու,
300 — 400 գր. հավի միս կամ տավարի միս,
1 հատ գլուխ սոխ,
2 հատ ճակնդեղ,
1 հատ նուռ,
մայոնեզ — 300 գր․
Արևածաղկի յուղ, կանաչի, աղ:
Աղցանի պատրաստման եղանակը
Կարտոֆիլը և գազարը խաշել միասին, մոտավորապես 30-40 րոպե մինչև եփվի: Մաքրել և քերիչով մանրացնել:
Ճակնդեղը խաշել մոտավորապես 1 ժամ մինչև եփվի: Մաքրել և քերիչով մանրացնել:
Հավի միսը խաշել մոտավորապես 45 րոպե մինչև եփվի: Փափուկ միսը առանձնացնել և ձեռքով մանրացնել:
Սոխը մաքրել, մանր կտրատել և տապակել թավայում արևածաղկի յուղով, վրան ավելացնել մանրացրած հավի միսը և տապակել միասին:
Ձվերը խաշել 10-12 րոպե: Մանրացնել ձվի դեղնուցը և սպիտակուցը:
Նուռը մաքրել, նռան հատիկները առանձնացնել:
Աղցանը պատրաստելու կառուցելու համար անհրաժեշտ է վերցնել մեծ գեղեցիկ ափսե կամ սկուտեղ մոտ 40 — 45 սմ տրամագծով և գլանաձև ինչ որ իր հարթ կողերով (մեծ բաժակ, ծաղկաման, վազ), որն ունենա մոտ 15 սմ բարձրություն:
Գլանաձև իրը դնել սկուտեղի մեջտեղը և նրա շուրջը պատել, լցնել ըստ շերտերի հերթականությանբ սկզբից մանրացրած կարտոֆիլի մեծ մասը, այնուհետև սոխի և հավի մսի կեսը, կարտոֆիլի մնացած մասը, սոխի և հավի մսի մնացած մասը, ճակնդեղի կեսը, գազարի կեսը, ձուն, գազարի մնացած կեսը, ճակնդեղի մյուս կեսը: Սկզբից մինչև վերջ, ամեն շերտից հետո տվյալ շերտը պատել մայոնեզի բարակ զանգվածով:
Որպեզ վերջին շերտ ամբողջը պատել կարմիր նռան հատիկներով և զգուշորեն հանել մեջտեղի գլանաձև իրը:
Վերջ գեղեցիկ և համեղ աղցանը պատրաստ է, կարելի է նաև լրացուցիչ զարդարել կտրտած մրգերով՝ կիվի, բանան, նարինջի կտորներով և մատուցել:
Բարի ախորժակ: